Ronaldo “Qızıl buts” şansını itirdi

“Yuventus”un hücumçusu Kriştiano Ronaldo bu gün A Seriyasının sonuncu – 38-ci turu çərçivəsində qarşılaşacaqları “Roma” ilə matçın iştirak ərizəsinə daxil edilməyib.

Komanda.az xəbər verir ki, portuqaliyalı ulduz bununla da “Qızıl buts” qazanmaq şansını itirib.

Belə ki, 35 yaşlı hücumçunun aktivində 31 qol var. Hazırda turnirin bombardiri olan “Latsio”nun oyunçusu Siro İmmobilin bu mövsüm 35, “Bavariya”nın hücumçusu Robert Levandovskinin isə 34 qol vurub. Buna görə də Ronaldo matçda iştirak etməməklə qol sayını artırmaq və “Qızıl buts” qazanmağa namizəd olmaq şansını itirib.

Qeyd edək ki, “Yuventus” – “Roma” matçına saat 22:45-də start veriləcək.

Bizi Telegramda izləyin

Bizi Facebook-da izləyin

Əlaqəli yazılar

Back to top button