“Real” onu transfer etməyəcək

“Kristal Pelas”ın müdafiəçisi Mark Quehi böyük ehtimalla “Real”a transfer olunmayacaq.

Komanda.az ESPN-ə istinadən xəbər verir ki, Avropanın aparıcı klubları “qartallar”ın kapitanı uğrunda mübarizəni davam etdirsə də, Madrid təmsilçisinin bu yarışa qoşulması hazırda real görünmür.

25 yaşlı futbolçu karyerasını “Real”da davam etdirmək istədiyini bildirib. Ancaq “kral klubu”nun onun üçün danışıqlara başlaması ehtimalı aşağıdır və mümkün transfer çətin hesab olunur.

İngiltərəli futbolçu cari mövsüm başa çatdıqdan sonra azad agent statusu alacaq. Ona maraq göstərən klublar arasında “Bayern”, “Barselona”, “Liverpul” və Avropanın digər klubları da var.