“Real” iki futbolçusuna görə narahatdır

“Real” Trent Aleksander-Arnold və Eduardo Kamavinqanın zədələnməsindən narahatdır.

Hər iki futbolçu La Liqada “Atletik”lə 3:0 hesablı qələbə qazandıqları oyunda zədələnib. Trent 55-ci dəqiqədə, Kamavinqa isə 69-cu dəqiqədə əvəzlənib.

Komanda.az “Marca”-ya istinadən xəbər verir ki, ilkin müayinədən sonra “Real” hər iki oyunçunun vəziyyətindən narahatdır.

Bu gün Trent və Kamavinqa əlavə müayinədən keçəcək və onun nəticələrinə əsasən son diaqnozlar qoyulacaq.