Braziliya Futbol Konfederasiyası bəyanat yaydı – Vini­siusa görə

Braziliya Futbol Konfederasiyası “Real”ın hücumçusu Vini­sius Junioru dəstəkləyən bəyanat yayıb. Bu, futbolçunun UEFA Çempionlar Liqasının pley-off matçında “Benfika”ya qarşı oyunda qarşılaşdığı irqi ayrı-seçkilik hallarına reaksiya olaraq edilib.

Komanda.az Konfederasiyanın paylaşımını təqdim edir:

“Biz Vini­siusun yanındayıq. O, Çempionlar Liqasında qol vurduqdan sonra rasizmin (irqi ayrı-seçkilik) qurbanı oldu. Rasizm cinayətdir! Belə hallara yol verilməməlidir.

Vini, sən tək deyilsən. Həmişə səninlə qürur duyacağıq və yanında olacağıq”.

Matç “Real”ın 1:0 hesablı qələbəsi ilə başa çatıb. Cavab qarşılaşması fevralın 25-də, “Santyaqo Bernabeu”da keçiriləcək.