Qvardiola: “Liderlik uğrunda mübarizə aparmaq həmişə xoşdur”

“Mançester Siti”nin baş məşqçisi Xosep Qvardiola Premyer Liqanın 31-ci turunda “Bernli” üzərində qazandıqları qələbəni (2:0) şərh edib.

Komanda.az “Sky Sports”-a istinadən xəbər verir ki, ispaniyalı məşqçi, komandasının aqressiv mübarizə apardığını bildirib:

“Biz bura qalib gəlmək üçün gəlmişdik və bunu bacardıq. Milli komandalara görə yaranan fasilədən sonra nə olacağını heç vaxt bilmirsən. Bu gün komandamız aqressiv mübarizə apardı. Liderlik uğrunda mübarizə aparmaq həmişə xoşdur”.