“Qvardiola dahidir” – Pike

“Barselona”nın sabiq müdafiəçisi Jerar Pike “Mançester Siti”nin baş məşqçisi Pep Qvardiola haqqında danışıb.

Komanda.az ESPN-ə istinadən xəbər verir ki, Pike ispaniyalı mütəxəssisi futbol tarixinin ən yaxşı məşqçisi adlandırıb:

“Qvardiola dahidir. Mənim və çoxu üçün o, futbol tarixinin ən böyük məşqçisidir. Qvardiolada hər şey var. O, “Barselona”da ən yaxşı nəsil futbolçularla uyğunlaşdı.

O, çox yaxşı oyunçular qrupu ilə parlaq məşqçi idi, hər şey bir araya gəldi və baş verənlər buna görə oldu. Düşünürəm ki, Qvardiola karyeramızda çoxumuza kömək edib. Pep hər gün sübut edir ki, o, ən yaxşıdır”.

Qvardiola 2008-2012-ci illərdə “Barselona”ya rəhbərlik edib.