Qvardiola icarədə olan müdafiəçilərin geri qayıtmasını istəmir

“Mançester Siti”nin baş məşqçisi Pep Qvardiola heyət problemlərinə baxmayaraq, başqa klublarda icarə əsasında oynayan mərkəz müdafiəçilərini geri çağırmayacaqlarını bildirib.

Komanda.az xarici KİV-ə istinadən xəbər verir ki, o, Manuel Akanji və Vitor Reisin yanvar ayında komandaya qayıtmayacağını deyib:

“Akanji və Reisi qış transfer pəncərəsində geri qaytarmayacağıq”.

”Şəhərlilər” “Çelsi” ilə son oyunda (1:1) iki mərkəz müdafiəçisini itirib. Ruben Diaş təxminən bir ay oynaya bilməyəcək, Yoşko Qvardiol isə mövsümün qalan hissəsini buraxmaq riski ilə üzləşib.

Akanji hazırda “İnter”də, Reis isə “Jirona”da çıxış edir.