Qavi məşqçilərinə təşəkkür etdi

İspaniya millisinin və “Barselona”nın yarımmüdafiəçisi Qavi zədəsindən sağalması zamanı məşqçilərinin dəstəyindən danışıb.

Komanda.az xarici KİV-ə istinadən xəbər verir ki, futbolçu bu çətin dövrdə ona kömək etdikləri üçün məşqçilər Hans-Diter Flik (“Barselona”) və Luis de la Fuenteyə (İspaniya millisi) minnətdarlığını bildirib:

“Flik daim məni dəstəkləyir və mənə məsləhətlər verir. O, həmçinin, ciddi zədələr alıb, mən onun köməyinə və qayğısına görə çox minnətdaram. De la Fuente də tez-tez mənə zəng edir. O, çox diqqətlidir, buna görə ona təşəkkür edirəm”.

Yarımmüdafiəçi avqust ayında diz zədəsi səbəbindən əməliyyat olunmaq məcburiyyətində qalıb. Onun meydana qayıtması qışın sonlarına planlaşdırılır.