“Qarabağ”ın U-19 komandasının “Ayaks”la matçının təyinatları məlum oldu

“Qarabağ”ın UEFA Gənclər Liqasının 6-cı turunda Bakıda “Ayaks”a (Niderland) qarşı keçirəcəyi matçın hakim təyinatları məlum olub.

Komanda.az xəbər verir ki, oyunu Macarıstandan olan hakimlər briqadası idarə edəcək.

Baş hakim Marton Ruş olacaq. Ona Gerqo Viq-Tarsonyi və Balaş Şalay kömək edəcəklər. Dördüncü hakim funksiyasını Cavid Cəlilov yerinə yetirəcək.

Qarşılaşma dekabrın 10-da “Azərsun Arena”da, saat 15:00-da start götürəcək.