“Məktəbdə heç kim Avropa futbolu haqqında danışmırdı”

“Milan”ın yarımmüdafiəçisi Kristian Pulişiç məktəb illərini Avropa futbolundakı hadisələrdən tamamilə təcrid olunmuş şəkildə necə keçirdiyini yada salıb.

Komanda.az xarici KİV-ə istinadən xəbər verir ki, amerikalı futbolçu UEFA Çempionlar Liqası oyunlarını müzakirə edəcək heç kiminin olmadığını söyləyib:

“Məktəbdə heç kim Avropa futbolu haqqında danışmırdı. Ən yaxşı halda, dünya çempionatının ABŞ-də keçirildiyini və Amerika millisinə azarkeşlik etməyə hazır olduqlarını bilirdilər. Amma məktəb mənə dəyərli biliklər verdi. Mən nəzakətli və səbirli olmağı öyrəndim”.