Mourinyo Premyer Liqa klubunun hədəfindədir

“Benfika”nın baş məşqçisi Joze Mourinyo İngiltərə Premyer Liqasına qayıda bilər.

Komanda.az “The Touchline”-a istinadən xəbər verir ki, İngiltərənin top-klublarından biri portuqaliyalı mütəxəssisin mümkün dəvəti üçün “Benfika”dakı işini diqqətlə izləyir.

Adı çəkilməyən klub xüsusilə, lissabonluların UEFA Çempionlar Liqasında “Real” üzərində qazandığı qələbədən (4:2) təsirlənib. Mourinyonun komandası pley-offda madridliləri məğlub edə bilsə, Premyer Liqa klubu yayda onunla müqavilə bağlamağa çalışacaq.

Mourinyo əvvəllər İngiltərə Premyer Liqasında “Çelsi” (iki dəfə), “Mançester Yunayted” və “Tottenhem” kimi komandalara rəhbərlik edib.