“Tarixdə onun kimi futbolçu yoxdur” – Pike

İspaniya La Liqasının son turunda “Betis”ə 4:1 hesabı ilə qalib gələn “Barselona”nın müdafiəçisi Jerar Pike açıqlama verib.

Komanda.az İspaniya mətbuatına istinadən xəbər verir ki, 32 yaşlı futbolçu, oyunu belə şərh edib:

“Nəticə yaxşıdır, amma eyforiyaya qapılmamalıyıq. Bu nəticələrlə çempionluğa daha da yaxınlaşdıq. Hələ qarşıda oyunlarımız var. Hər matçda oyunumuzu yaxşılaşdırmalıyıq”.

İspaniyalı futbolçu, oyunda het-trik edən komanda yoldaşı Lionel Messi haqqında da danışıb:

“Messi xüsusi bir futbolçudur. Hazırda yaxşı oynayan çox futbolçu var, amma Messi 14 ildir ki, yüksək səviyyədə çıxış edir. O, unikaldır. Tarixdə onun kimi futbolçu yoxdur”.