“Neftçi”dən Stankoviçlə yeni müqavilə

“Neftçi” PFK müdafiəçi Voyislav Stankoviç ilə müqavilənin müddətini artırıb.

Komanda.az xəbər verir ki, bu barədə paytaxt klubunun rəsmi saytı məlumat yayıb.

33 yaşlı serbiyalı futbolçu ilə 1+1 şərtli anlaşma imzalanıb.

Stankoviç “Neftçi”də keçirdiyi iki mövsüm ərzində 53 oyunda meydana çıxıb, 3 qol vurub.

Xatırladaq ki, “Neftçi” bundan əvvəl Ömər Buludov, Fəhmin Murabəyli, Mamadu Mbodj və Mirabdulla Abbasovla yeni müqavilə bağlamışdı.