“Mançester Yunayted”dən müdafiəçisi ilə yeni müqavilə – Rəsmi

Harri Maquayr “Mançester Yunayted”lə müqaviləsini yeniləyib.

Komanda.az xəbər verir ki, “qırmızı şeytanlar” rəsmi açıqlama yayaraq, 33 yaşlı müdafiəçi ilə yeni sözləşmə imzalandığını bildirib.

Anlaşmaya əsasən, tərəflər 2027-ci ilin yayına qədər əməkdaşlığı davam etdirəcək. Müqavilədə müddətin əlavə olaraq daha bir il uzadılma şərti də yer alır.

İngiltərəli futbolçu “Mançester Yunayted”ə 2019-cu ildə transfer olunub və bu müddət ərzində komandanın heyətində 266 rəsmi oyunda meydana çıxıb.