“Müdafiədə bu qədər boşluq buraxıb qələbəyə ümid edə bilməzsiniz”

DÇ-2026-nın qrup mərhələsinin 2-ci turunda Niderlanda 1:5 hesabı ilə məğlub olan İsveç millisi müdafiədə xeyli boşluq buraxıb.

Komanda.az xəbər verir ki, bunu komandanın baş məşqçisi Qrem Potter F qrupunun matçından sonra deyib.

İngiltərəli mütəxəssis bu məğlubiyyətdən dərs çıxarmalı olduqlarını söyləyib:

“Təbii ki, nəticəyə görə çox məyusam, hərçənd oyunda etdiyimiz çox yaxşı şeylər var idi. Lakin müdafiədə bu qədər boşluq buraxıb qələbəyə ümid edə bilməzsiniz. Onlar bizə cinahlarda çoxlu problem yaratdılar. İlk qol uzun ötürmədən sonra vuruldu. Buna baxmayaraq, güclü rəqiblə qarşılaşmadan çox şey öyrənəcəyik. Futbolçular sona qədər mübarizə apardılar, buna görə onlara haqq qazandırmaq lazımdır. Bəzən belə təcrübələr yaşamaq vacibdir. Biz bu reallığı qəbul etməli və dərs çıxarmalıyıq”.