Modriç “Milan”da ilk kubokunu qazandı

“Milan”ın yarımmüdafiəçisi Luka Modriçin qızı Ema atasının yolunu davam etdirməyə qərar verib və futbolla məşğul olur.

Komanda.az xarici KİV-ə istinadən xəbər verir ki, o, hələ qısa olan karyerasında ilk böyük uğurunu əldə edib – ilk kubokunu qazanıb.

Bu nailiyyət “Milan”ın 13 yaşadək qızlardan ibarət komandası ilə “Napoli”yə qarşı oyunda qeydə alınıb. “Milan” daha əvvəl yarımfinalda “İnter” üzərində 2:0 hesablı qələbə qazanıb, 1/4 finalda isə “Sassuolo”nu məğlub (3:1) edib.

Emanı tribunadan bütün ailəsi dəstəkləyib – atası Luka Modriç, anası Vanja Modriç, eləcə də digər övladlar İvano və Sofiya.

40 yaşlı xorvatiyalı futbolçu ötən ilin yayında “Real”da 10 ildən artıq çıxış etdikdən sonra “Milan”a transfer olunub.