“Milan” alman hücumçunun keçidini tamamlamaq üzrədir

“Milan” hücumçu Niklas Fullkruqun transferi ilə bağlı “Vest Hem”lə danışıqları davam etdirir.

Komanda.az xarici KİV-ə istinadən xəbər verir ki, “Milan” və “Vest Hem” arasında anlaşma tamamlanmaq üzrədir. Danışıqlar qabaqcıl mərhələdədir.

“Çəkicdöyənlər” Fullkruq üçün satınalma şərti ilə icarə təklifi alıblar. Çox yaxın vaxtlarda tam razılıq əldə oluna bilər.

32 yaşlı Fullkruq bu mövsüm bütün yarışlarda 9 matçda meydana çıxsa da, qol vura bilməyib. “Transfermarkt”-a görə, alman forvardın dəyəri 8 milyon avrodur.