Messi sıradan çıxdı, oyun təxirə salındı

Argentina millisinin və “İnter Mayami”nin hücumçusu Lionel Messi MLS-in yeni mövsümü ərəfəsində zədə alıb.

ABŞ klubu bununla bağlı rəsmi açıqlama yayıb və “İndependyente del Valye”yə qarşı keçirilməsi planlaşdırılan yoxlama matçının təxirə salındığını bildirib.

Komanda.az MLS təmsilçisinin açıqlamasını təqdim edir:

“Azarkeşlərin komandamızın hər oyununu səbirsizliklə gözlədiyini bilirik. Ümid edirik ki, bu oyun yaxın zamanda baş tutacaq”.

Qarşılaşma fevralın 14-nə planlaşdırılmışdı. Ancaq son qərara əsasən, oyun 26 fevralda keçiriləcək.

38 yaşlı futbolçu Ekvadorun “Barselona” komandası ilə yoxlama matçında zədələnib. Müayinələr nəticəsində onun sol bud nahiyəsindən zədə aldığı müəyyənləşib.