“Mbappenin transferi klubun imicinə ziddir” – “Liverpul”un keçmiş futbolçusu

“Liverpul”un keçmiş müdafiəçisi Qlen Conson PSJ-nin hücumçusu Kilian Mbappenin Mersisayd klubuna mümkün transferi haqda danışıb.

Komanda.az xarici KİV-ə istinadən xəbər verir ki, İngiltərə millisinin sabiq futbolçusu, fransalı oyunçunun transferinin klubun imicinə zidd olduğunu bildirib:

“Liverpul”un Mbappeni almaq üçün lazım olan qədər pul xərclədiyini təsəvvür edə bilmirəm. Onlar həmişə oyunçuları strateji cəhətdən seçirdilər, statistik məlumatlardan istifadə edərək, gələcəyə baxırdılar və tez-tez yaxşı bir razılaşma axtarırdılar. Düzünü desəm, bu, adətən nəticə verdi. Düşünmürəm ki, onlar Mbappeni almaq üçün bankı boşaltmağa hazırdırlar. Ümid edirəm ki, bunu edəcəklər! Mən sadəcə hesab edirəm ki, Mbappenin transferi klubun imicinə ziddir”.

Mbappe bu mövsüm bütün turnirlərdə 15 oyun keçirib və 15 qol vurub.