“Mançester Yunayted”də şok itki – mövsümü erkən başa vurdu

“Mançester Yunayted”in futbolçusu Markus Reşford uzun müddət yaşıl meydanlardan uzaq qalacaq.

Komanda.az xəbər verir ki, bu barədə “qırmızı şeytanlar”ın baş məşqçisi Ole-Qunnar Sulşer klubun rəsmi saytına açıqlamasında deyib:

“Ümid edirəm ki, Reşford bu mövsüm oynaya bilər. Bu, olsa da ancaq son oyunlarda olacaq. Sağalması üçün bir neçə ay vaxt lazımdır. Zədəsi gözlədiyimizdən daha ciddidir. Oynaya bilməzsə, AÇ-2020-də də iştirak etməyəcək”.