“Mançester Yunayted” millinin baş məşqçisi ilə danışıqlara başlayıb

“Mançester Yunayted” mövsümün sonunda baş məşqçi dəyişikliyi edə bilər.

Komanda.az “Topskills Sports UK”-yə istinadən xəbər verir ki, “qırmızı şeytanlar”ın rəhbərliyi almaniyalı mütəxəssis Yulian Naqelsmannı baş məşqçi postuna gətirməkdə maraqlıdır.

Naqelsmann hazırda Almaniya millisinin baş məşqçisidir və 2023-cü ilin sentyabrından bu vəzifədədir. Onun millidəki müqaviləsinin müddəti 2028-ci ilin iyununda başa çatacaq.

Mançester təmsilçisi artıq mümkün təyinatla bağlı ilkin danışıqlara başlayıb. Əvvəlki xəbərlərdə isə almaniyalı məşqçi ilə maraqlananların arasında “Mançester Siti” də yer alırdı.