Keçmiş komanda yoldaşı Virtsdən “Bayern”ə keçməməyi xahiş edib

“Bayer”in yarımmüdafiəçisi Robert Andrix Florian Virtsdən “Bayern”ə keçməməsini istədiyini etiraf edib.

Komanda.az xarici KİV-ə istinadən xəbər verir ki, o, bunu söyləyib:

“Mən həqiqətən də, Virtsin “Bayern”ə gedəcəyini düşünürdüm. Bir vaxtlar ona dedim ki, “xahiş edirəm, bunu etmə, bizə belə etmə”. Bəli, Bundesliqanın ən yaxşı alman oyunçularının Almaniyada qalması faydalıdır. Amma sonda onun səviyyəsinə çatan oyunçulara gəldikdə, onların yeganə seçimi Almaniyada “Bayern”dir. Mən Virtsin xarici liqaya getməsini istəyirdim. Bunu “Bayern”dəki uşaqlara da dedim. Onun belə gənc yaşda köçmək qərarına gələcəyini düşünmürdüm, amma bu transferdən məmnun idim”.

Münhen klubu uzun müddət Virts üçün əsas namizəd hesab olunub, lakin futbolçu sonda “Liverpul”u seçib. “Qırmızılar” yarımmüdafiəçini 2025-ci ilin yayında 125 milyon avroya “Bayer”dən alıb.