ÇL: Kompani “Bayern”in 1/8 finala çıxmasından danışdı

“Bayern”in baş məşqçisi Vensan Kompani komandasının Çempionlar Liqasının 1/8 finalına birbaşa vəsiqə qazanması ilə bağlı şərh verib.

Komanda.az xarici KİV-ə istinadən xəbər verir ki, o, bunu söyləyib:

“1/8 finala birbaşa vəsiqə mövzusu çox müzakirə olunub. Bu, yaxşıdır, çünki bu formatda ilk səkkizlikdə yer almaq çətindir. Amma düşünmürəm ki, bu, turniri qazanmaq şansımıza əhəmiyyətli dərəcədə təsir edəcək. Keçən mövsüm PSJ-nin qalib gəldiyi zaman nə baş verdiyini gördük. Cədvəlimizdəki boş günlərdən oyunçularımızı bərpa etmək üçün istifadə edəcəyik ki, ən vacib matçlar üçün ən yaxşı formada ola bilək”.

“Bayern” ÇL-də ümumi mərhələnin son oyununda PSV ilə qarşılaşacaq.