Sabiq futbolçudan Kavaniyə məsləhət: “Karyeranı bitir”

Sabiq futbolçu Oskar Ruggeri “Boka Xuniors”un hücumçusu Edinson Kavaniyə karyerasını bitirməyi məsləhət görüb. Uruqvaylı oyunçu Argentina klubunun azarkeşləri tərəfindən tez-tez fitə basılır və çox vaxt meydanda belə, görünmür, az oynayır, daim əvəz olunur.

Komanda.az xarici KİV-ə istinadən xəbər verir ki, Ruggeri, Kavaniyə bu münasibəti təhqiramiz hesab etdiyini bildirib:

“Belə bir karyeraya malik oyunçu üçün bu, təhqirdir. Bunu etmək olmaz, karyerasını bitirməsi daha yaxşıdır”.

39 yaşlı Kavani daha əvvəl “Napoli”, PSJ və “Mançester Yunayted” kimi klublarda oynayıb.