İtaliya klubundan baş məşqçini sevindirən qərar

İtaliyanın “Kalyari” klubu baş məşqçisi Rolando Maranın müqaviləsinin müddətini artırıb.

Komanda.az xəbər verir ki, A Seriyası təmsilçisi 55 yaşlı mütəxəssislə müddəti 2022-ci ilə qədər olan yeni sözləşmə imzalayıb. Bu barədə klubun mətbuat xidməti məlumat yayıb.

2018-ci ilin yayından komandanı çalışdıran Maranın əvvəlki müqaviləsi 2020-ci ilin yayına qədər idi.

“Kalyari” İtaliya A Seriyasında 34 turdan sonra 40 xalla 11-ci sırada qərarlaşıb.