“İnter” və “Yuventus” yunan futbolçu ilə maraqlanır

“Volfsburq”un müdafiəçisi Konstantinos Kulierakis İtaliya A Seriyasının top-klublarının diqqət mərkəzinə düşüb.

Komanda.az “Calciomercato”-ya istinadən xəbər verir ki, 22 yaşlı futbolçunun transferində həm “Yuventus”, həm də “İnter” maraqlıdır. Potensial keçidin dəyəri 30–45 milyon avro arasında dəyişə bilər.

Yunan futbolçu 2024-cü ilin yayından etibarən “Volfsburq”un formasını geyinir. Tərəflər arasındakı müqavilənin müddəti 2029-cu ilin yayına qədərdir.

O, cari mövsümdə Bundesliqa təmsilçisinin heyətində 20 oyuna çıxıb və 1 qol vurub.