Gündoğan Türkiyə klubuna keçir

“Mançester Siti”nin yarımmüdafiəçisi İlkay Gündoğan klubunu dəyişir.

Komanda.az “Sky Sports”-a istinadən xəbər verir ki, 34 yaşlı futbolçunun “Qalatasaray”a keçidi üzrə razılıq əldə olunub.

Gündoğan sərbəst agent statusunda İstanbul klubuna qoşulacaq və iki mövsümlük – müddəti 2027-ci ilin ortalarına qədər olan müqavilə imzalayacaq.

Gözlənilir ki, o, bu axşam İstanbulda tibbi müayinədən keçəcək və transfer rəsmi şəkildə yekunlaşacaq.