İbrahimoviç “Milan”a qayıda bilər

“Milan”ın sabiq hücumçusu Zlatan İbrahimoviç İtaliya klubuna qayıda bilər.

Komanda.az “Calciomercato”-ya istinadən xəbər verir ki, 41 yaşlı isveçli sabiq futbolçu klubda idman direktoru vəzifəsində çalışmaqda maraqlıdır.

İbrahimoviç bu yay karyerasını başa vurduğunu açıqlayıb. “Milan” onun son klubu olub. Bundan əlavə, o, karyerası ərzində “Los Anceles Qalaksi”, “Mançester Yunayted”, PSJ, “Barselona”, “İnter”, “Yuventus”, “Ayaks” və “Malmö” kimi klublarda çıxış edib.