Türkiyə klubu Kante üçün 4 milyon avro ödəməyə hazırdır

Fransalı yarımmüdafiəçi Nqolo Kante yenidən Avropaya qayıda bilər.

Komanda.az “Sports Digitale”-a istinadən xəbər verir ki, hazırda Səudiyyə Ərəbistanı çempionatında çıxış edən “Əl-İttihad”ın formasını geyinən 34 yaşlı futbolçu “Fənərbaxça”nın diqqət mərkəzinə düşüb.

Türkiyə klubu Kantenin transferi üçün 4 milyon avro ayırmağa hazırdır. Onun klubu ilə müqaviləsinin müddəti yayda başa çatacaq ki, bu da transferin reallaşma ehtimalını artırır.

Kante cari mövsümdə Səudiyyə Ərəbistanı çempionatında 18 oyunda meydana çıxıb, 2 qol vurub və 1 məhsuldar ötürmə verib.