“Forza Neftçi” derbidə də olmayacaq

Azərbaycan Premyer Liqasının cari mövsümündə “Neftçi”nin oyunlarını boykot edən “Forza Neftçi” 4-cü tur çərçivəsində keçiriləcək “Qarabağ”la oyunda da paytaxt təmsilçisini dəstəkləməyəcək.

Komanda.az xəbər verir ki, bu barədə “Forza Neftçi” azarkeş qrupunun rəhbəri Sübhan Əliyev sosial şəbəkə hesabında məlumat yayıb:

“Qarabağ”la oyunda “Forza Neftçi” olaraq stadionda olmayacağıq. Boykota davam! Gedin, vuruşun, udun! Qələbədən başqa nəsə bizi qane etmir! Bu arada mətbuata biletlərin qiymətinin 51 AZN olacağı xəbərini buraxan “Qarabağ” FK, sən də “kişiliy elə”, axıra kimi bu qiyməti saxla. Daha biz gəlməyəcəyik deyə pulsuz etmə. Onda lap hörmətdən düşəcəksən. Buraxdığın xəbərin arxasında dayan”.

Qeyd edək ki, “Qarabağ” – “Neftçi” oyunu sentyabrın 15-də Tofiq Bəhramov adına Respublika stadionunda keçiriləcək.