Flik VAR-dan şikayətləndi

“Barselona”nın baş məşqçisi Hans-Diter Flik VAR sistemi ilə bağlı fikirlərini bölüşüb.

Flik bu açıqlamanı La Liqada “Espanyol”la oyun öncəsi mətbuat konfransında verib. O, xüsusilə, UEFA Çempionlar Liqasının 1/4 final mərhələsinin ilk oyununda evdə “Atletiko”ya 0:2 hesablı məğlubiyyətdən sonra VAR-ın işindən narazı qaldığını bildirib.

Komanda.az xarici KİV-ə istinadən xəbər verir ki, almaniyalı çalışdırıcı mübahisəli epizodda hakim İştvan Kovaçın qayda pozuntusuna reaksiya vermədiyini və VAR-ın da bu səhvi düzəltmədiyini söyləyib:

“VAR sistemi məhz belə hallarda – hakim səhv etdikdə müdaxilə edib qərarı düzəltmək üçün var. Keçən oyunda mənə çatmayan da bu idi”.

Bununla yanaşı, Flik komandasının da zəif çıxış etdiyini etiraf edib:

“Düzdür, biz də yaxşı oynamadıq və səhvlər etdik. Bu da nəticəyə təsir göstərdi”.

Sözügedən epizodda “Atletiko”nun qapıçısı Xuan Musso və müdafiəçisi Mark Pubil iştirak etmişdi və bu, mübahisələrə səbəb olmuşdu.