“Fiorentina”da futbolçular arasında dava olub

“Fiorentina”da futbolçular arasında ciddi münaqişə yaşanıb.

Komanda.az xarici KİV-ə istinadən xəbər verir ki, klubun bazasında oyunçular arasında dava baş verib, ancaq iştirakçıların adları açıqlanmır. Bir qrup futbolçu artıq komandadan ayrılmağa hazırlaşır və agentlərinə yeni klublarla əlaqə qurmaq tapşırığı verib.

“Fiorentina” hazırda İtaliya A Seriyasında uğursuz çıxışı ilə diqqət çəkir. Komanda hələ bir qələbə qazanmayıb və 6 xalla turnir cədvəlinin sonuncu pilləsində qərarlaşıb.

“Fiorentina” növbəti matçını dekabrın 21-də “Udineze”yə qarşı keçirəcək.