Elmar Baxşıyev: “Komanda şəklində zəif oynadıq”

“Qəbələ” klubunun məşqçisi Elmar Baxşıyevin Premyer Liqanın 12-ci turu çərçivəsində “Neftçi” ilə qarşılaşdıqları oyundan sonra mətbuat konfransı keçirilib.

Komanda.az xəbər verir ki, Baxşıyev 1:4 hesabıyla başa çatan oyunu belə şərh edib:

• Həftəlik proqramda “Neftçi”yə qarşı fərdi hazırlaşmışdıq. İstəyimiz rəqibi əks-hücumlarda yaxalamaq idi. İstədiyimizi edə bilmədik. Stabilliyimizi qoruya bilmirik.
• Stabilliyi qoruya bilməməyinizə səbəb nədi?
• Komandanın cavan heyətinin olmasıdı. Təcrübəli oyunçular stabilliyi qoruyur. Komandalar arasında səviyyə fərqi də var. “Neftçi” bir neçə komponentdə bizdən üstün idi.
• “Qəbələ” son sıradadı və maliyyə problemləri var Bundan sonrakı gedişat necə olacaq?
• Sponsor məsələsi bizə aid deyil. Bizim işimiz komanda və oyunçularla bağlıdı. Düşünürəm ki, “Qəbələ” yaşayacaq.
• Komanda ümumi olaraq pis oynadı, yoxsa fərdi baxımdan?
• Komanda şəklində zəif oynadıq. Buraxılan qollar isə fərdi səhvlərdən irəli gəlirdi. “Neftçi”nin futbolçularının ustalıq səviyyəsi də yüksək idi.
• Komandanın “Neftçi” qarşısında aciz qaldığını demək olar?
• Xeyr.

Şahin Cəfərov