DÇ-2026: Norveç və Fransa 1/16 final mərhələsinin oyununa çıxır

Futbol üzrə dünya çempionatının 1/16 final mərhələsində növbəti oyunlar keçiriləcək.

Komanda.az xəbər verir ki, Norveç millisi Fildişi Sahili yığması ilə üz-üzə gələcək. Bu cütün qalibi 1/8 finalda Braziliyanın rəqibi olacaq.

Bu qarşılaşmanın ardından son dünya çempionatının finalçısı Fransa İsveçin müqavimətini qırmağa çalışacaq. Güclü tərəf növbəti mərhələdə Paraqvayla qarşılaşacaq.

DÇ-2026-da meydan sahiblərindən olan Meksika isə Ekvadorla münasibətlərə aydınlıq gətirəcək. Bu cütün qalibi 1/8 finalda İngiltərə – Konqo duelinin güclüsü ilə görüşəcək.

ABŞ, Meksika və Kanadada təşkil olunan DÇ-2026 iyulun 19-da başa çatacaq.

DÇ-2026, 1/16 final

30 iyun

21:00. Fildişi Sahili – Norveç

Baş hakim: Xesus Valensuela (Venesuela)

Dallas stadionu

1 iyul

01:00. Fransa – İsveç

Baş hakim: Danni Makkeli (Niderland)

Nyu-York/Nyu-Cersi stadionu

05:00. Meksika – Ekvador

Baş hakim: Slavko Vinçiç (Sloveniya)

Mexiko stadionu