Anrinin DÇ-2026 üçün favoritləri

Fransa millisinin və “Arsenal”ın sabiq hücumçusu Tyerri Anri bu ilin yayında keçiriləcək DÇ-2026 barədə fikirlərini bölüşərək, turnirin əsas favoritlərini açıqlayıb. O, hesab edir ki, çempionluq uğrunda mübarizədə bir neçə güclü komanda ön plana çıxır.

Komanda.az xarici KİV-ə istinadən xəbər verir ki, fransalı keçmiş futbolçu, hazırkı dünya çempionu Argentina millisinin favoritlərdən biri olduğunu bildirib:

“Argentina”ya hörmət etmək lazımdır. Onlar hazırkı dünya çempionudur və çox güclü heyətə sahibdirlər. Onlarda hələ də 10 nömrə altında Lionel Messi var”.

O, həmçinin, Fransa millisi barədə də yüksək fikirlər səsləndirib:

“Fransa millisi də var. Biz ardıcıl iki dünya kuboku finalı oynamışıq”.

Anri üçün üçüncü favorit isə İspaniya yığmasıdır:

“İspaniya millisi həmişə cəlbedici futbol oynayır. İstənilən heyətlə belə, onlardan topu almaq çox çətindir”.

11 iyun-19 iyul tarixlərini əhatə edəcək mundial ABŞ, Kanada və Meksika olmaqla üç ölkədə keçiriləcək. Turnirə 48 komanda qatılacaq.