1 milyon avro ödədi, həbsxanadan çıxdı

Braziliya millisinin və İspaniyanın “Barselona” klubunun sabiq futbolçusu Dani Alveş 14 aydan sonra həbsxanadan çıxıb.

Komanda.az “Marca”-ya istinadən xəbər verir ki, 40 yaşlı müdafiəçi 1 milyon avronu toplaya bilib və onu girov kimi ödəyib.

Martın 20-də Barselona məhkəməsi Alveşin girov müqabilində azadlığa buraxılmasına qərar vermişdi.

O, 2023-cü il yanvarın 20-də gecə klubunda bir qıza təcavüzdə ittiham olunaraq 4,5 il həbs cəzasına məhkum edilmişdi.