ÇL: Bu gün “Arsenal”ın finaldakı rəqibi məlum olacaq

Bu gün UEFA Çempionlar Liqasında ikinci finalçı müəyyənləşəcək.

Komanda.az xəbər verir ki, yarımfinal mərhələsinin ikinci cavab oyununda “Bayern” Almaniyada PSJ-ni qəbul edəcək. Qarşılaşma saat 23:00-da start götürəcək. Oyunun baş hakimi portuqaliyalı Joao Pineyro olacaq.

Parisdəki ilk görüşdə meydan sahibləri qələbə qazanıb – 5:4.

Cütün qalibi finalda İngiltərənin “Arsenal” komandası ilə üz-üzə gələcək. “Topçular” dünən doğma meydanda “Atletiko”nu 1:0 hesabı (ilk oyun – 1:1) ilə məğlub edib.