“Bayern” Almaniya kubokunun qalibi oldu

Almaniya Bundesliqasında bu mövsüm çempion adına yiyələnən “Bayern” ölkə kubokunun da sahibi olub.

Komanda.az xəbər verir ki, Münhen təmsilçisi 2020-ci ildən sonra ilk dəfə Almaniya kubokunu qazanıb.

Vensan Kompaninin komandası finalda “Ştuttqart”ı 3:0 hesabı ilə darmadağın edib.

Münhen klubu tarixində 21-ci dəfə bu titulun sahibi olub ki, bu da Almaniyada ən yaxşı göstəricidir. Qələbə sayına görə ikinci yerdə 6 kubokla “Verder” qərarlaşıb.