“Hamımız papağı qarşımıza qoyub, düşünməliyik” – Luis Suares

Çempionlar Liqasının yarımfinal mərhələsinin cavab oyunları çərçivəsində səfərdə “Liverpul”a 0:4 hesabı ilə məğlub olan “Barselona”nın hücumçusu Luis Suares matçdan sonra açıqlama verib.

Komanda.az İspaniya mətbuatına istinadən xəbər verir ki, uruqvaylı futbolçu, məğlubiyyəti belə şərh edib:

“Enfild Roud”da azarkeşlərin komandanı bu şəkildə dəstəkləyəcəyini bilirdik. Onlar ilk qolu vurduqdan sonra turu keçə biləcəklərinə inanmışdılar.

Rəqib oyunda nə istəyirsə, etdi, oyuna qolla başladılar. Hamımız papağı qarşımıza qoyub, düşünməliyik. Çünki keçən il də belə faciə yaşamışdıq. “Barselona”nın belə bir şeyi təkrar etməsi qəbuledilməzdir”.