Azərbaycan millisinin üzvü oynadı, komandası uduzdu

Cənubi Koreya çempionatında 13-cü turun oyunları keçirilir.

Komanda.az xəbər verir ki, Azərbaycan milli komandasının müdafiəçisi Anton Krivotsyukun formasını geyindiyi “Daejeon” öz meydanında “Pohanq”la qarşılaşıb və 0:2 hesabı ilə uduzub.

Krivotsyuk da bu görüşdə meydana çıxıb. 26 yaşlı müdafiəçi meydana start heyətində çıxıb və sona qədər oynayıb. O, 81-ci dəqiqədə sarı vərəqə ilə cəzalandırılıb.

“Daejeon” 16 xalla turnir cədvəlinin 8-ci pilləsində qərarlaşıb.