“Arsenal”ın əsas hücumçusu o olacaq

“Arsenal”ın futbolçusu Kay Havertsin zədədən sonra komandanın əsas hücumçusu olacağı gözlənilir.

Komanda.az “Daily Mail” qəzetinə istinadən xəbər verir ki, İngiltərə klubunun baş məşqçisi Mikel Arteta futbolçunu əsas heyətdə görür. Gözlənilməz hadisələr istisna olmaqla, Haverts mərkəz hücumçusu mövqeyi üçün ispaniyalı məşqçinin ilk seçimi olacaq.

“Arsenal” bu ilin yayında Viktor Qyokereşi “Sportinq”dən (Lissabon) 65 milyon avrodan çox pula alıb, lakin isveçli futbolçu bu günə qədər çox ümidverici olmayıb. Nominal yarımmüdafiəçi Mikel Merino da tez-tez “9 nömrə” kimi istifadə olunur.