Ançelotti zədələnən futbolçu haqda: “Ciddi bir şey yoxdur”

“Real”ın baş məşqçisi Karlo Ançelotti La Liqanın 27-ci turunda “Rayo Valyekano” ilə oyunun sonunda (2:1) zədələnən yarımmüdafiəçi Çud Bellingemin durumundan danışıb.

Komanda.az xarici KİV-ə istinadən xəbər verir ki, o, bunu deyib:

“Bellingemin ayağında qançır yaranıb, ciddi bir şey yoxdur”.

Bellingem matçın 86-cı dəqiqəsində əvəzlənib və ayağına buz bağlayaraq oyunu izləyib. 21 yaşlı ingiltərəli futbolçu bu mövsüm bütün turnirlərdə 36 matçda 11 qol vurub və 11 məhsuldar ötürmə edib.

“Real” martın 12-də, Çempionlar Liqasının 1/8 final mərhələsində “Atletiko” ilə cavab oyunu keçirəcək.