Amorim postunu itirməyə bir addım da yaxınlaşdı

“Mançester Yunayted” İngiltərə Premyer Liqasının 16-cı turunda evdə “Bornmut”u məğlub edə bilməyib. Gərgin və bolqollu qarşılaşma 4:4 hesabı ilə başa çatıb.

Komanda.az “Indykaila News”-a istinadən xəbər verir ki, bu nəticədən sonra “qırmızı şeytanlar”ın baş məşqçisi Ruben Amorimin postunu itirməsi real görünür. Klub rəhbərliyi portuqaliyalı mütəxəssisin işi ilə bağlı ciddi qərar verməyə yaxındır.

“Mançester Yunayted” Premyer Liqada 16 turdan sonra 26 xal toplayıb və turnir cədvəlinin 6-cı pilləsində qərarlaşıb. Amorim komandanın “sükanı arxasına” 2024-cü ilin noyabrında keçib. Onun klubla müqaviləsinin müddəti 2027-ci ilin ortalarına qədərdir.