Alleqridən ümidləri doğrultmayan futbolçuya dəstək

Bu ilin avqust ayında “Çelsi”dən “Milan”a keçən hücumçu Kristofer Nkunku indiyə qədər klub azarkeşlərini zəif oyunu ilə məyus edib.

Komanda.az xarici KİV-ə istinadən xəbər verir ki, lakin baş məşqçi Massimiliano Alleqri hələ də ona inanır:

“Oyunçular həmişə tez uyğunlaşmırlar. Amma məşqlərdə onun potensialını görürəm. Ona inanıram. Çalışmağa davam edəcəyik. İtaliya çempionatı çətindir, meydanda yer azdır və müdafiəçilər kobud oynayırlar. Bura İngiltərə deyil”.

“Milan” hazırda A Seriyasının turnir cədvəlində ikinci yerdədir.