AL matçından əvvəl insident: 3 nəfər bıçaqlandı

UEFA Avropa Liqasının 1/16 final mərhələsinin ilk oyunları çərçivəsində keçiriləcək “Latsio” – “Sevilya” matçından əvvəl insident yaşanıb.

Komanda.az xəbər verir ki, Roma şəhərində hər iki komandanın azarkeşləri arasında qarşıdurma yaranıb. Bu barədə İtaliya mətbuatı məlumat yayıb.

40 nəfər azarkeş arasında çıxan davada 3 nəfər bıçaqlanıb. Xəstəxanaya aparılan azakeşlərdən birinin vəziyyətinin ağır olduğu bildirilib.

Hadisə nəticəsində bıçaqlananların ikisi ispan, biri isə amerikalıdır. İtaliya mətbuatı bir nəfər İngiltərə vətəndaşının da yaralandığını iddia edir.

“Latsio” – “Sevilya” matçı bu gün, saat 21:55-də start götürəcək.