AFFA rəsmiləri “UEFA Grow” Konfransında iştirak edib

AFFA nümayəndələri Avstriyanın paytaxtı Vyanada keçirilən “UEFA Grow” Konfransında iştirak edib.

Bu barədə Komanda.az-a qurumun mətbuat xidmətindən bildirilib.

Tədbir milli assosiasiyaların kommunikasiya və marketinq rəhbərlərini bir araya gətirərək futbol kommunikasiyalarını, marketinq və kommersiya strategiyasını formalaşdıran əsas tendensiyaların müzakirəsinə həsr olunub.

Konfransda AFFA-nın Mətbuat və İctimaiyyətlə Əlaqələr şöbəsinin rəhbəri Murad Axundov və Kommersiya meneceri Kamran Kərimbəyov iştirak ediblər.