“Abşeron” “Azərreyl”ə qalib gəldi

Qadın voleybolçular arasında Azərbaycan Yüksək Liqasında 5-ci tur başa çatıb.

Komanda.az xəbər verir ki, turun son matçında “Abşeron” “Azərreyl”lə üz-üzə gəlib.

Azərbaycan Voleybol Federasiyasının idman zalında baş tutan görüş “Abşeron”un 3:2 (20:25, 25:23, 22:25, 25:23, 15:11) hesablı qələbəsi ilə yekunlaşıb.

Turun daha əvvəl keçirilən oyunlarında “DH Volley” “Gənclər”i (3:0), “Milli Aviasiya Akademiyası” “Murov Az Terminal”lı (3:0), “Turan” isə UNEC-i (3:0) məğlub edib.