Vlahoviç üçün təklif – 10 milyon avro+əlcəzairli futbolçu

Serbiya millisinin və “Yuventus”un hücumçusu Duşan Vlahoviç “Milan”ın transfer hədəfinə çevrilib.

Komanda.az “La Repubblica”-ya istinadən xəbər verir ki, “qırmızı-qaralar”ın rəhbərliyi artıq Turin klubu ilə danışıqlara başlayıb.

“Milan” 25 yaşlı forvard üçün 10 milyon avro məbləğində təzminat və əlavə olaraq artıq məşqçi heyətinin planlarına daxil olmayan əlcəzairli yarımmüdafiəçi İsmayıl Bennaserin transfer hüquqlarını təklif edib.

Vlahoviç 2024/25 mövsümündə “Yuventus”un heyətində 44 matçda meydana çıxaraq, 17 qol və 5 məhsuldar ötürmə ilə yadda qalıb.