“Real” Alonso ilə razılığa yaxındır

“Real” hazırda Leverkuzen “Bayer”ində çalışan ispaniyalı mütəxəssis Xabi Alonso ilə danışıqlar aparır.

Komanda.az xəbər verir ki, bu barədə “Teamtalk” nəşri məlumat yayıb.

Karlo Ançelottinin istefası halında tərəflər əməkdaşlıq haqqında ilkin razılaşmaya yaxındırlar. Belə ki, “Real”ın gənclərdən ibarət komandasını çalışdıran Raul Qonzales yaya qədər “kral klubu”na rəhbərlik edəcək və bundan sonra yerini Alonsoya verəcək.

Alonso 2022-ci ilin payızından “Bayer”in baş məşqçisi vəzifəsində çalışır. Komanda onun rəhbərliyi altında ötən mövsüm Almaniya çempionu və kubokunun qalibi olub.