“Neftçi”dən Rusiya klubuna: “Bakıda məğlub olan yeganə “Arsenal” deyilsiz” FOTO

Avropa Liqasının 2-ci təsnifat mərhələsində Rusiya “Arsenal”ına hər iki oyunda qalib gələrək (1:0, 3:0), növbəti mərhələyə yüksələn “Neftçi” sosial şəbəkə vasitəsilə Tula təmsilçisinə ismarıc yollayıb.

Komanda.az xəbər verir ki, “ağ-qaralar” rəsmi “tvitter” hesabından “Arsenal”a təsəlli verib, “Bakıda məğlub olan tək “Arsenal” siz deyilsiz” yazıb:

“Özünüzü məzlum kimi hiss etməyin. Siz bu il Bakıda məğlub olan yeganə “Arsenal” deyilsiz. Düzdür, “Arsenal” (İngiltərə)? Yaxşı səyahət və yumşaq eniş edin, dostlar”.

İngiltərənin “Arsenal”ı bu il Bakıda keçirilən Avropa Liqasının finalında “Çelsi”yə 1:4 hesabı ilə məğlub olub.